Ad Banner
Ad Banner
Ad Banner
Ad Banner

Zëvendësministri Nerjovaj shpallet fajtor për keqpërdorim të detyrës zyrtare

11:44 | 3 Qershor 2019
Arbresh.info

Zëvendësministri i Administratës Publike, Bujar Nerjovaj, është shpallur fajtor për veprën penale keqpërdorim i detyrës zyrtare.

Gjykata Themelore e Prizrenit e ka dënuar Nerjovajn me gjashtë muaj burgim, por me kusht. Nëse brenda një viti nuk kryen ndonjë vepër tjetër penale, dënimi nuk do të ekzekutohet, raporton KTV.

Bujar Nerjovaj është akuzuar për kohën sa ka qenë drejtor i Inspeksionit në Prizren. Sipas aktakuzës, në këtë cilësi, gjatë periudhës 2011-2013, nuk i ka siguruar kushtet për t’i ekzekutuar rrënimet e katër objekteve hoteliere në afërsi të Sheshit “Shatërvan” në Prizren, në zonën historike të qytetit.

Si shkak i mospagesës së detyrimeve, vlerësohet se buxheti i Komunës së Prizrenit u dëmtua për më shumë se 36 mijë euro.

Shpërndaje në rrjete sociale

Lajmet më të lexuara

Të ngjashme

Ad Banner

Foto lajm